दसैंमा गाउँ आउने भए पीसीआर रिपोर्ट अनिवार्य

स्याङ्जा, ३० असोज । स्याङ्जाका प्रमुख जिल्ला अधिकारीले कडा निर्देशन जारी गरेका छन् ।

स्याङ्‌जामा प्रवेशका लागि ७२ घण्टाभित्रको पीसीआर रिपोर्ट देखाउनुपर्ने भनिएको छ । पीसीआर नै अनिवार्य गर्ने स्याङ्जा एकमात्र जिल्ला हो । सीडीओको यो आदेशलाई त्यहाँका प्रमुख राजनीतिक दल नेपाल कम्युनिष्ट पार्टी (नेकपा) र नेपाली कांग्रेसले पनि समर्थन गरेका छन् ।

सीडीओले जारी गरेको आदेशानुसार ७३ घण्टाभित्रको पीसीआर आवश्यक पर्छ भने जिल्ला भित्रिने राम्दी नाका र कुभिण्डेमा चेकजाँच समेत हुनेछ । पीसीआर रिपोर्ट नदेखाएको हकमा भने १४ दिनको क्वाुरेन्टिन अनिवार्य गरिएको छ ।

यता, पर्वतमा पनि बिहीबार संकट व्यवस्थापन समितिको बैठकले बाह्‌य जिल्लाबाट आएका व्यक्तिलाई अनिवार्य १४ दिनको क्वा रेन्टिनमा राख्नुपर्ने निर्णय गरेको छ । स्थानीयस्तरमै यसलाई प्रभावकारी बनाउन वडाध्यक्ष र सदस्यलाई अनुगमनको जिम्मेवारी दिइएको छ ।

गत साता नै तनहुँ प्रशासनले जिल्ला संकट व्यवस्थापन केन्द्रको निर्णयानुसार दसैंमा घर आउने व्यक्ति १४ दिनसम्म अनिवार्य क्वाारेन्टिनमा बस्नपर्ने निर्देशन जारी गरेको छ । जिल्ला प्रशासन कार्यालय तनहुँका सहायक प्रमुख जिल्ला अधिकारी तथा सूचना अधिकारी चित्रांगत बरालले हरेक टोलमा अनुगमन समिति बनाएर सक्रिय बनाइएको जानकारी दिए ।

Comments

Related Post

काठमाडौँ, वाणिज्य, आपूर्ति तथा उपभोक्ताहित संरक्षण विभागले बजार अनुगमनबाट रु ७८ लाख राजश्व सङ्कलन गरेको छ । गत असोज १...

काठमाडौँ, २ कार्तिक । सरकारले लामो तथा मध्यम दुरीमा यात्रा गर्दा फेस शिल्ड (भाइजर) लगाउन यात्रुलाई आग्रह गरेको छ । कोरोना...

काठमाडौँ, २ कार्तिक । नेपालबाट भारत तस्करी गर्न लागिएको २३ किलो सुन पर्सा प्रहरीले शनिबार बरामद गरेको छ । भारतीय...