काँगेलडाँडा विमानस्थलमा सफल परीक्षण उडान

सोलुखुम्बु : लामो समयदेखि बन्द रहेको काँगेलडाँडा विमानस्थलमा सफल परीक्षण उडान भएको छ। नेपाल वायु सेवा निगमको विमानले मंगलबार परीक्षण उडान भरेको नेपाल नागरिक उड्डयान प्राधिकरणले जनाएको छ।

क्याप्टेन पेम्बा शेर्पाको नेतृत्वमा चालक दलका तीन सदस्यसहित १४ यात्रु लिएर उक्त विमान काँगेलडाँडा आएको र सोही संख्याको यात्रु लिएर काठमाडौं फर्किएको प्राधिकरण फाप्लुका प्रमुख प्रकाश शर्माले जानकारी दिए। ६ वर्षदेखि विमानस्थल बन्द हुँदा त्यहाँ कार्यरत प्राधिकरणका कर्मचारी अन्यत्र काजमा खटाइएको छ। त्यसैले परीक्षण उडानका लागि फाप्लु विमानस्थलका कर्मचारी परिचालन गरी उडान गराइएको थियो।

नेपाल वायु सेवा निगम र थुलुङ दुधकोशी गाउँपालिकाबीच भएको सम्झौताअनुसार उडान सेवा सुरु भएको गाउँपालिका अध्यक्ष असीम राईले बताए। अध्यक्ष राईका अनुसार प्रत्येक साता मंगलबार उडान तालिका राखिएको छ भने जसका लागि आवश्यक १६ सिटको ग्यारेन्टी गाउँपालिकाले गर्नुपर्ने छ। सम्झौताअनुसार गाउँपालिकाले १० लाख रुपैयाँ धरौटी रकम जम्मा गर्नुपर्नेछ। यात्रु संख्या कम हुँदा नेपाल वायु सेवा निगमले सोही रकम कट्टा गरी लिनेछ।

विमानस्थल बन्द हुँदा सोलुखुम्बुको तल्लो र खोटाङका माथिल्लो क्षेत्रका नागरिकलाई समस्या भएको स्थानीय गुनासो गर्दै आएका थिए। सोही विषयलाई मध्यनजर राख्दै स्थानीय, प्रदेश र संघीय सरकारको पहलमा पुनः उडान सेवा सुरु गरिएको अध्यक्ष राईको भनाइ छ।

उक्त विमान स्थलको संस्कृति पर्यटन तथा नागरिक उड्ययनमन्त्री योगेशकुमार भट्टराईले गत कात्तिक २१ मा निरीक्षण गरेका थिए। निरीक्षणको क्रममा मंसिर तेस्रो सातादेखि उडान सेवा सुरु गर्ने बताएका थिए।

Comments

Related Post

चीनले बिदेशी विद्यार्थीलाई अहिले प्रवेश दिएको छैन । पढाई सकिने सकिने बेला चीनबाट फैलिएको कोभिडबाट बच्न नेपाल आएका उनीहरु फेरि...

राजनीतिमा होमिनेका आ-आफ्नै भावना, विचार र लक्ष्य होलान्। रौतहटको यमुना गाउँपालिका-३ घर भएका लखिन्द्र दास तात्मा दलित माथिको भेदभाव अन्त्य गर्न चाहन्थे। जातीय...

भक्तपुरको एक होटलमा ग्याँस सिलिन्डर पड्किएर आगलागी हुँदा ६ जना घाइते भएका छन्। सूर्यविनायक नगरपालिका वडा नम्बर ५ सृजना नगरस्थित भिमेश्वर...